* Ek juu-e-dard dil se jigar tak ravaa’n hai aaj *
Ek juu-e-dard dil se jigar tak ravaa’n hai aaj
Pighalaa huaa rago’n me ik aatish-fishaan hai aaj
Lab sii diye hai’n taa na shikaayat kare koii
lekin har ek zakhm ke muu’nh me’n zabaa’n hai aaj
Taariikiyon ne gher liyaa hai hayaat ko
Lekin kisii kaa ruu-e-hasii’n darmiyaa’n hai aaj
Jiine kaa vaqt hai yahii marne kaa vaqt hai
dil apnii zindagii se bahut shaadamaa’n hai aaj
Ho jaataa huu’n shahiid har ahal-e-vafaa ke saath
Har daastaan-e-shauq merii daastaa’n hai aaj
Aaye hain kis nishaat se ham qatl-gaah me
Zakhmo’n se dil hai chuur nazar gul-fishaan hai aaj
Zindaaniyo’n ne tod diyaa zulm kaa huroor
Vo dab-dabaa vo raub-e-hukuumat kahaan hai aaj
|