* Aag hai pani hai mitti hai hawa hai mujh mein, *
Aag hai pani hai mitti hai hawa hai mujh mein,
qudrate haq ka har ik rang chhupa hai mujh mein
aik aurat hoon mohabbat hi hai paigaam mera
ik chaman phoolo'n ka khushboo ki fiza hai mujh mein
phool odhe hun magar kaanto'n ka bistar hai mera
aik jungal sa har ik simt uga hai mujh mein
jitne toofan uthaoge main seh sakti hun
tez aandhi mein lachakne ki ada hai mujh mein
wo to ek rishta e benaam hai kho jayega
kis liye saanson mein dhadkan mein basa hai mujh mein
jaate jate wo palat aaya hai jhonke ki tarah
aas ka deep bujhaane, jo jala hai mujh mein
aakhirash maut hi manzil hai 'aleena' phir kyu'n
zindagani ka taltum sa macha hai mujh mein
****** |