* silsilay khoob chale tujh se mulaqato'n ke *
silsilay khoob chale tujh se mulaqato'n ke
haath par naqsh hai alfaz tere haatho'n ke
garmi e ishq khila deti hai gaalo'n pe gulaab
yaad aate hain jo lamhaat gai raato'n ke
aahate'n aane lagi'n badliya'n phir chhai hain
ab k dekhe'n zara kya rang hain barsato'n ke
neem khamoshi hai jugnoo hai zamee'n par har soo
jaise bikhre hue alfaz munajato'n ke
chand sakit hai fizao'n mai bhi hai sannata
aur aleena bhi hai khamosh bina baato'n ke
_____________________by aleena itrat rizvi
|