Yeh rishte kab chhupane se chhupe hai'n
Tere chehre pe ham likhe huye hai'n

Na roko aane do in hadso'n ko
Yeh mere saath ke khele huye hai'n

Makee'n khamosh hai'n jin bastio'n ke
Wahaa'n jalte huye ghar bolte hai'n

Gul o shabnam ki thee jin me'n latafat 
Badan woh aa'nch ab dene lage hai'n

Meri tahzeeb ke hai'n dast o bazoo
Yeh foot paatho'n pe jo bikhre parhe hai'n

"Ali" qeemat yahee hai apne fan ki
Ke be qeemat bhi aksar bik gaye hai'n

			H.No. 22-1-733/1, Sultanpura,
			Hydrabad-500024(A.P)