نعت
 
 
علی بابا تاج
 
 
بارگاہ رحمت میں
 
کس قدر تقدس ہے
 
ذکر ، شاہ دوراں کا
 
ورد جو تمنا ہے
 
ہر زباں پہ جاری ہے
 
جن کے ذکر سے ہر دم
 
وصف، خود ہی نازاں ہے
 
لفظ ،لفظ حیراں ہے
 
سوچ، سوچ شاداں ہے
 
نام سب سے افضل ہے
 
نام جتنے ڈھونڈیں ہم
 
ایک، اسم اعلیٰ ہے
 
نام ہے "محمد"(ص) کا
 
انتہائے اسماء ہے
 
اس سے بڑھ کے ہو بھی کیا
 
دوسرا بھلا کوئی
 
نام کس بشر کا ہو
 
بارگاہ رحمت میں ایک ہے یہی "محمود" (ص)
 
نام ایک ہی اعلیٰ
 
جن کے ذکر سے ہر دم
 
وصف خود ہی نازاں ہے
 
******************