Kisi say bhi nafrat nahi hay Gurru jee.. 
So,jeena azayyat nahi hay Gurru jee..!! 

yeh Tum ho jo darya pe youn chal rahe ho 
hamain to ijazat nahi hay Gurru jee..!! 

Un ankhon ki lou mein safar tay karen gay 
Sitaaray ki haajat nahi hay Gurru jee..!! 

sahoolat ,muhabbat mein hoti hay laikin 
Muhabbat suhoolat nahi hay Gurru jee..! 

hamare liye is muhazzab jahan mein 
Kahin jaa e wehshat nahi hay Gurru jee..!! 

Zamanay ko dekhen,zamanay ko parkhen 
hamain itni fursat nahi hay Gurru jee..!! 

ba yak waqt ,sunna bhi aur dekhna bhi 
qasam say, qiamat nahi hay Gurru jee...??? 

ghazab hay..k dunya badalne chale hain 
jinhen khud pe qudrat nahi hay Gurru Jee..!!! 

ba nam e Muhabbat Faqat Meer he Kya..!! 
Kisi ki bhi izzat nahi hay Gurru jee..!!!! 

Hamain to nawaza hay saien nay itna 
hamain koi hasrat nahi hay Gurru jee..