|
* Sakhtiya'n karta hu'n dil par ghair se ghafil hu'n mai'n, *
Sakhtiya'n karta hu'n dil par ghair se ghafil hu'n mai'n,
hay kya achhi kahi zalim hu'n mai'n jahil hu'n mai'n,
hai meri zillat hi kuchh meri sharafat ki dalil,
jis ki ghaflat ko malak rote hai'n wo ghafil hu'n mai'n,
bazm-e-hasti apni araish pe tu naza'n na ho,
tu to ik taswir hai mahfil ki aur mahfil hu'n mai'n,
dhundhata phirta hu'n ai "Iqbal" apne aap ko,
aap hi goya musafir aap hi manzil hu'n mai'n.
|
|