غزل

٭……خواجہ الطاف حسین حالیؔ

ہے جستجو کہ خوب سے ہے خوب تر کہاں
اب ٹھہرتی ہے دیکھئے جاکر نظر کہاں
یارب اس اختلاط کا انجام ہو بخیر
تھا اس کو ہم سے ربط مگر اس قدر کہاں
اک عمر چاہئے کہ گوارا ہو نیشِ عشق!
رکھی ہے آج لذّتِ زخمِ جگر کہاں!
ہم جس پہ مر رہے ہیں وہ ہے بات ہی کچھ اور
عالم میں تجھ سے لاکھ سہی تو مگر کہاں
ہوتی نہیں دعاء قبول درد عشق کی
دل چاہتا نہ ہو تو زباں میں اثر کہاں
حالیؔ نشاطِ نغمہ و لے ڈھونڈتے ہو اب
آئے ہو وقتِ صبح رہے رات بھر کہاں