غزل

نہ انتظار کروں گی میں آب جو کے لئے
کہ میرے پاس ہے خونِ جگر وضو کے لئے

ٹھہر سکیں گے نہ وہ منزلِ سکوں پہ کہیں
نکل پڑے جو قدم تیری جستجو کے لئے

اے باغباں نہ جدا کر مجھے نشیمن سے
مرا وجود ہے گلشن کی آبرو کے لئے

گلوں کو چاہئے کچھ اور حسن آرائی
چمن سے آئی صدا یہ مرے لہو کے لئے

کیا ہے چاک جسے اپنوں ہی کے ہاتھوں نے
اٹھے ہیں غیر اسی دامن کے اب رفو کے لئے

عنبری رحمان

Ambars Home
East Boring Canal Rd.
Patna-800001
(Bihar)
Mob: 9934923033
بہ شکریہ جانِ غزل مرتب مشتاق دربھنگوی
+++