غزل

تمہی ہو جاں تمہی ہو دل ہمارا
تمہی منزل ہو مستقبل ہمارا
ہماری فصل بڑھتی جارہی ہے
پریشاں ہے بہت قاتل ہمارا
بہت کرتے ہو باتیں میٹھی میٹھی
نہ جانے دل میں کیا ہے دل ہمارا
اگر شیر و شکر ہوجائیں ہم سب
مقابل ہوگا کیا باطل ہمارا
محبت سے اگر تم ہم سے بولو
پگھل جائے گا پتھر دل ہمارا
وہ خالق ہے تو رازق بھی وہی ہے
خدا پہ ہے یقیں کامل ہمارا
خبر لے گا ہر اک ظالم کی عامر
بروزِ حشر دردِ دل ہمارا

محمد امین عامر

101, Pilkhana, 2nd Lane
Howrah-711101
Mob: 9883057511
بشکریہ ’’میر بھی ہم بھی‘‘	مرتب: مشتاق دربھنگوی
………………………