* زہر کی چٹکی ہی مل جاۓ براۓ درد _ دل *
زہر کی چٹکی ہی مل جاۓ براۓ درد _ دل
کچھ نہ کچھ تو چاہيے بابا دواۓ درد _ دل
رات کو آرام سے ہوں ميں نہ دن کو چين سے
ہاۓ ہاۓ وحشت _ دل، ہاۓ ہاۓ درد _ دل
درد _ دل نے تو ہميں بے حال کر کے رکھ ديا
کاش کوئ اور غم ہوتا بجاۓ درد _ دل
اس نے ہم سے خيريت پوچھی تو ہم چپ ہو گۓ
کوئ لفظوں ميں بھلا کيسے بتاۓ درد _ دل
دو بلائيں آج کل اپنی شريک _ حال ہيں
اک بلاۓ درد _ دنيا، اک بلاۓ درد _ دل
آج کا انسان دہرا ہے خود اپنے بوجھ سے
کيا سہے درد _ محبت، کيا اٹھاۓ درد _ دل
زندگی ميں ہر طرح کے لوگ ملتے ہيں شعور
آشناۓ درد _ دل ، نا آشناۓ درد _ دل
*********************** |