غزل

اُس کی یادوں کا دیا جلتا رہا
سانس  لینے  کا  عمل  چلتا  رہا
اُس کی آنکھیں گفتگو کرتی رہیں
دور تک میں خواب میں چلتا رہا
ہم زمیں کو اوڑھ کر سوتے رہے
آسماں کو یہ ہنر کھلتا رہا
لوٹ آئے پیاسے اُس کے پاس سے
اور سمندر ہاتھ ہی ملتا رہا
چلنے والے التجا کرتے رہے
شام کا سورج مگر ڈھلتا رہا
مجھ کو منزل کا پتہ ملتا نہیں 
عمر بھر چلتا رہا ، چلتا رہا
صبح جو نکلا ہے وہ سورج عقیل
تیرگی کی کوکھ میں پلتا رہا

 ڈاکٹر) عقیل احمد عقیل)

3/H/1, Gorachand Lane Kolkata-700014
Mob: 9831914741
بشکریہ ’’میر بھی ہم بھی‘‘	مرتب: مشتاق دربھنگوی
………………………