نعت

قرآن کی زباں ہے صل علیٰ محمدؐ
ایماں کا گلستاں ہے صل علیٰ محمدؐ

دوزخ کی آگ اُس کو ہرگز نہ چھوسکے گی
جس کا بھی پاسباں ہے صل علیٰ محمدؐ

محشر کی دھوپ میں تو شدت بہت ہے لیکن
رحمت کا سائباں ہے صل علیٰ محمدؐ

اُن پر درود بھیجو تم کو سکوں ملے گا
تسکینِ بے کساں ہے صل علیٰ محمدؐ

وہ بحرِ بے کراں ہے وہ رحمتِ جہاں ہے
وہ وجہِ کن فکاں ہے صل علیٰ محمدؐ

دل میں بساکے دیکھو لب پر سجا کے دیکھو
وجہِ سرورِ جاں ہے صل علیٰ محمدؐ

اللہ کا کرم ہے دیکھو عقیلؔ یہ بھی
جاری بہ لب رواں ہے صل علیٰ محمدؐ

عقیل احمد عقیل

3/H/1, Gorachand Lane
Kolkata-700014
Mob: 9831914741
بشکریہ ’’صل علیٰ محمد‘‘ 	مرتب: مشتاق دربھنگوی
……………………………