Yun to bas ek rawaayat hai dosti,
magar khuda ki ibaadat hai dosti.
Dil dariya me jaise ek kankar aa gira,
kuchh aisi hi to sharaarat hai dosti.
Log dhoondte hain isme nafa hi nafa,
unke liye bas koi tizaarat hai dosti.
Ishq kya aashiq kya hum kya jaanein,
humaari to iklauti mohabbat hai dosti.
Doston se dhokhe bahut khaaye magar,
kya karen humaari to aadat hai dosti.
Too bas humaara hi imtihaan leti hai,
tujhse bas itni si shikaayat hai dosti.
************