|
* Mohabbat soz bhi hai saaz bhi hai , *
Mohabbat soz bhi hai saaz bhi hai ,
Khaamoshi bhi hai aavaaz bhi hai.
Nasheman kay liye betaab taa_ir ,
Wahaan paabandi-e-paravaaz bhi hai.
Khaamoshi pay bharosa karanay vaalo ,
Khaamoshi Gam kaa gammaaz bhi hai.
Meri Khaamoshi-e-dil par na jaao,
Ki is main rooh ki aavaaz bhi hai.
Dil-e-begaanaa-Khoo, Duniyaa main tera ,
Koi hamadam koi hamaraaz bhi hai.
Hai meraaj-e-Khirad bhi arsh-e-azeem ,
Junoon kaa farsh-e-paa andaaz bhi hai.
ARSH MALSIYANI
|
|