* Apne hoshruba husn ki nuzhat rahe baqi *
Apne hoshruba husn ki nuzhat rahe baqi
Anjaam mera kuchh ho mohabbat rahe baqi
Ab taza dagar zeest ki apnayii hai ham ne
Kuchh roz to ham me'n yeh rafaqat rahe baqi
Pardes me'n jate huye mat bhoolna mujh ko
Allah kare yeh khat-o-kitabat rahe baqi
Mai'n Meer Taqi Meer ke andaz me'n likhoo'n
Kuchh roz dukho'n se jo yeh sohbat rahe baqi
"Aarish" ke labo'n se yeh hansi chhinne wale
Yu'n hi tere ha'nsne ki yeh aadat rahe baqi
Via Boccherini-109,
09045 Quartu-S.E (C.A) Itali
|