nah kuch hai khud talabee, nai hee kuch khudaa talabee
 
ajab yeh mujh meiN samaayee huyee hai laa talabee
========================================
 
maiN jaise jaise rachaataa gayaa lahoo dil kaa
kaf e hayaat kee baRhtee gayee Hinaa talabee
=======================================
 
 
tareeq e ishq meiN rah rau bhee maiN huN, rahbar bhee
mujhe ho kis liye yaaN fikr e rahnumaa talabee
=========================================
 
to kyaa huaa keh tire dil meiN paa sakaa nah kabhee
to kyaa huaa jo hai mujh meiN abhee bhee jaa talabee
========================================
 
idhar yeh karb keh ummed e  deed hee nah rahee
udhar wah dard keekh jaatee nahiN dawaa talabee
========================================
 
huaa thaa mujh se sadaaqat kaa kyaa gunah sarzad
hunooz hotee hee rahtee hai jaa ba jaa talabee
======================================
 
safar meiN saayah hai jab tak meraa shareek e safar
mere wajood ko kyaa hogee qafilah talabee
=======================================
 
bapaa hai kaisaa yeh SARIM ajeeb sannataa
kahaN hai qariya e dil kee tere nawaa talabee?
===================================