کاش یہ سوچتی پھرتی ہوئی افلاک پہ خاک
اک نہ اک روز تو پڑ جانی ہے اس خاک پہ خاک
=========================
 
سوچتا ہوں! نہ ابل آئے اسی راہ لہو
ڈالتا رہتا ہوں میں دیدہ ء۔ نمناک پہ خاک
======================
 
منحرف اپنی ہی تقویم سے یوں ہے انساں
خاک پوشاک کو معیوب یے پوشاک پہ خاک
========================
 
کوزہ گر ہاتھ نے کچھ بوندیں ہی چھڑکی تھیں ابھی
ایک مہکار سی بکھرانے لگی چاک پہ خاک
=========================
 
مجھ میں سجتے تھے کبھی لالہ و گل ، ماہ و نجوم
کیا کہوں! کیوں ہے برستی مری املاک پہ خاک
===========================
 
اپنی ہستی سے ہی بیگانہ جو رکھے صارم
خاک اس عقل پہ ، اس فہم پہ، ادراک پہ خاک
==========================