* roz pahloo badalti huyi zindagi *
roz pahloo badalti huyi zindagi
meri girti saNbhalti huyi zindagi
=======================
barf sa jism qaayem rahe kab talak
lamHa lamHa pighalti huyi zindagi
===========================
ja baja mushkiloN ka taqaaza kare
ghar se baahar nikalti huyi zindagi
==========================
band muththi meiN huN ret ke miCl maiN
aur meri phisalti huyi zindagi
===========================
huasla de gayi mujh ko ik mauj ki
sar patakti, machalti huyi zindagi
==========================
jaayezah apna jab waqt e rukhsat liya
rah gayi haath malti huyi zindagi
============================
din ki peshaani pe zulf bikhra gayi
dhalte sooraj ki dhalti huyi zindagi
==========================
ab to SARIM ko bhi raas aane lagi
gham ke saaye meiN palti huyi zindagi
=============================
|