Ye mujh se puuchhiye kyaa justajuu mei’n lazzat hai 
fazaa-e-dahar mei’n tahaliil ho gayaa hoo’n mai’n 

hataake shiishaa-o-saagar hujuum-e-mastii mei’n 
tamaam arsaa-e-aalam pe chhaa gayaa hoon mai’n 

udaa hoon jab to falak pe liyaa hai dam jaa kar 
zameen ko tod gayaa hoo’n jo rah gayaa hoo’n mai’n 

rahii hai Khaak ke zarro’n mei’n bhii chamak merii 
kabhii kabhii to sitaaro’n mei’n mil gayaa hoo’n mai’n 

samaa gaye merii nazaro’n mei’n chhaa gaye dil par 
Khayaal karataa hoo’n un ko ki dekhataa hoo’n mai’n