Mai'n ne rasme wafa nibhayee hai,
Phir bhi ilzam be wafayi hai,
Log hanste hai'n meri ghurbat per,
Mai'n ne qismat ajeeb payi hai,
Koi pehchan ab nahi baaqi,
Kaun hai ghair,kaun bhai hai,
Kaise tauba ka paas rakhu'n mai'n,
Jaam bhi hai ghata bhi chhayi hai,
Is se rishta naya nahi koi,
Roze awwal se aashnayi hai,
Maikade mei'n guzarete hai'n shab,
Shaikh jee ki yeh parsayi hai,
Jaa'n ki bazi sada "Sharar" ham ne,
Sarhade Hind pe lagayi hai.