donateplease
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Ashraf Ali Khan Fughan
 
Share to Aalmi Urdu Ghar
* bas-ki dīdār tirā jalva-e-quddūsī hai *

bas-ki dīdār tirā jalva-e-quddūsī hai 
dāman-e-vasl bhī ālūda-e-māyūsī hai 
hai kahāñ bū-e-vafā us dahan-e-shīrīñ meñ 
ġhuncha-lab terī zabāñ ham ne bahut chūsī hai 
yaar go ḳhuun mirā misl-e-hinā ho pāmāl 
lekin apne ta.iiñ manzūr qadam-bosī hai 
dil mirā ḳhaak shagufta ho chaman meñ jā kar 
gul meñ ye rañg kahāñ ek tirī bū sī hai 
ek din zulf ke muñh par na chaḌhī ye kāfir 
yād-e-kākul ko faqat sheva-e-jāsūsī hai 
vo sajī teġh ki dam meñ kare lākhoñ ko qatl 
kaun kahtā hai miyāñ terī kamar mū sī hai 
shaiḳh rotā hai ise sun ke barhaman yaksū 
pur-asar bas ki mirā nālā-e-nāqūsī hai 
chashm-e-namnāk ne az bas-ki bujhāyā us ko 
ātish-e-ishq kahāñ dil meñ magar lū sī hai 
ai 'fuġhāñ' ishq kahāñ dil meñ ba-qaul-e-'minnat' 
haañ ye sach milne kī ḳhūbāñ se to ik ḳhū sī hai 

۸۸۸۸۸۸۸۸۸۸۸۸۸

 

 
Comments


Login

You are Visitor Number : 18