* Pase manzar me'n wira'n manzar phail gaya *
Pase manzar me'n wira'n manzar phail gaya
Tootte hi diwar mera ghar phail gaya
Ho'nt zamei'n ne ghabra kar jab khol diye
Seene ka lawa bahar aakar phail gaya
Haq goyo'n ne jitna use masdood kiya
Qarya qarya fan-e-azar phail gaya
Mahi geer udasi orhe lot gaye
Waqt se pahle aaj samundar phail gaya
Toote ghungru kis khawhish ki aandhi ke
Ek sannata mere andar phail gaya
Sirf qalam se fikro'n ko tabeer kiya
Sadiyo'n sadiyo'n ek danishwar phail gaya
Gunnaur, Budaun-202522 (U.P)
|