HARI AANKHE'N FIRANGI LAB HAMARE JISM URIYAA'N HAI'N,
HAZIMAT AUR KYA HO AB HAMARE JISM URIYAA'N HAI'N,
SEYA BAKHTI HAMARI, GAR NA DE HAM SA ZAMAANE KO,
HAMARE MAND HAI'N KOKAB HAMARE JISM URIYAA'N HAI'N,
HAME'N TO CHAAHIYE DEKHA KARE'N APNI TARAF YAARO,
KISI SE KYA HAME'N MATLAB, HAMARE JISM URIYAA'N HAI'N,
KAFAN TAK BECH DAALE, SHAHRE JAA'N KE AHLE SARWAT NE,
HAMAARE PAAS KYA HAI, AB HAMARE JISM URIYAA'N HAI'N,
KISI IK SHAKHS PER HI ZULM HAI ILZAAM URIYAANI,
BARHANA HO GAYE HAM SAB,HAMARE JISM URIYAA'N HAI'N,
JO THEY, KUCHH JAAGTE ZAHNO'N KE WOH BHI SO GAYE "RAHI",
MOKAMMAL BE HISI HAI, AB HAMARE JISM URIYAA'N HAI'N.