|
* LURHAKTE RE'NGTE MASOOM BACHCHE MAR RAHE HAI'N, *
AIK BACHCHI IK MISSION
LURHAKTE RE'NGTE MASOOM BACHCHE MAR RAHE HAI'N,
MAIE'N NOHA KAR RAHI HAI'N,
AUR BAHNE'N BAAL KHOLE RO RAHI HAI'N,
CHEEKHTI HAI'N
BIIN KARTI HAI'N.....KE
GHAR MEI'N AAG NE CHADER BICHHA DI HAI,
ZAMIINO'N SE DHUAA'N SA UTH RAHA HAI,
UF SEYAHI PHAILTI JAA RAHI HAI,
IK DHAMAKA AUR.... AAHE SARD,
SURAJ CHHUP GAYA HAI,
BIIN KARTI HAI'N,
KABHI TO NOCHTI HAI'N AAP,APNA JISM,
APNE AAP SE PHIR POOCHHTI HAI'N,
KYA YAHA'N KOI NAHI HAI......?
KYA YAHA'N KOI NAHI HAI......?
DAFATAN KOI SADA GONJI,
KOI AAWAZ BHARRAI,
ZABAA'N IK LARHKHARHAI,
HAA'N ABHI HAI IK MISHAN....LEKIN,
KISI KE KAASAE BAROOD MEI'N HAI,
IK MISHAN ZINDA ABHI HAI,
AIK BACHCHI IK MISHAN,
WOH BHI KITABO'N,KAAGHZO'N KI RAAKH MEI'N,
LIPTII KAHII'N.....TANHA,
KHILONA KI JAGAH BIKHRI PARHI HAI.....!
|
|