|
* Darde mohabbat kia hotaa hai tum kia jaano, *
Darde mohabbat kia hotaa hai tum kia jaano,
Jazbae ulfat kia hotaa hai tum kia jaano.
yeh ghar baar lutaane waalay batlaae'n gay,
Shoqe shahaadat kia hotaa hai tum kia jaano.
Kaash ke tum hotay is ke anjaam se waaqif,
Nashshae shohrat kia hotaa hai tum kia jaano.
Kaise apnay aap bhadhakti hai chi’nggaari,
Sholae nafrat kia hotaa hai tum kia jaano.
Garmie hashr se bach niklogay tab poochu'ngaa
sayae rahmat kia hotaa hai tum kia jaano.
Hamne qais ki sakhti kaati Aslam Rahi,
Parbat parbat kia hotaa hai tum kia jano.
|
|