Nigar-e-shauq ki bebakiyo'n se kya hasil, 
jo dil udaas ho ranginiyo'n se kya hasil,

na ab wo raat na wo husn-e-garmi-e-mahfil, 
chiragh-e-subho tunak taabiyo'n say kya hasil,

fasurdagi ki qasam azm la maka'n tak hai, 
na poochh dost ki tanhaiyo'n se kya hasil,

lahu lahu hai ufaq sham muzamhil si hai ,
tumhi batao ke in surkhiyo'n se kya hasil,

jo bu-e-gul pe na ho unki dastras ai dil, 
chaman mei'n aisi bhi pabandiyo'n se kya hasil.