غزل
		
اِک       پُرسکون            دنیا       تیّا ر     کر رہا       ہوں
تعمیر       گِرد           اپنے        دیوار        کر رہا      ہوں
آتی  خزاں  سے   پہلے کچھ   رنگ    پھُوٹنے    تھے 
مٹّی   میں    جلدی    جلدی       تیّار   کر رہا      ہوں
لب  بستہ   بیٹھ کر  میں سُنتا   ہوں  شور  ِ    محفل
خود  سے  میں    انجمن  کو    بیزار     کر رہا     ہوں
کانٹے   میں   چُن  رہا   ہوں    بس  راستے  سے  اپنے  
میں  دوسروں کی    رَہ   کب   پُر خار  کر رہا   ہوں
تیری      جدائیوں   میں  ہے   کار  ِ زیست     جاری
پر       کام       یہ      ضروری     بیکار     کر رہا     ہوں
ہر   سمت   ساحلوں   پر   اب   موجز ن    ہے     پانی        
میں    ڈوبتے    کنارے   کس       پار     کر رہا     ہوں
اس نے   ہی   در گزر    سے عادت   خراب   کی  ہے 
اُسکے     لیئے    خطا      میں   ہر     بار  کر رہا     ہوں
وہ    آئینے   میں   دیکھیں   میرے   جُنوں کی نُدرت
پر چھا ئیوں   سے   ِجِنکی   میں   پیار   کر رہا    ہوں
تُہمَت لگا    نہ  مجھ   پر ،  اطہر پہ   ظُلم  مت کر
کب    جُرم   سے    میں    اپنے   انکار   کر رہا    ہوں
 		                  					            اطہر جعفری