Vo ishq jo ham se ruuTh gayaa ab us kaa haal bataaye.N kyaa,
ko_ii mehar nahii.n ko_ii qahar nahii.n phir sachchaa sher sunaaye.N kyaa ,

ik hijr jo ham ko laahak hai taa der use doharaaye.N kyaa,
vo zahar jo dil me.n utaar liyaa phir us ke naaz uThaaye.N kyaa, 

ik aag Gham-e-tanhaa_ii kii jo saare badan me.n phail ga_ii,
jab jism hii saaraa jalataa ho phir daaman-e-dil ko bachaaye.N kyaa ,

ham naGhmaasaraa kuchh Ghazalo.n ke ham surat_gar kuchh Khvaabo.n ke,
bejazbaa-e-shauq sunaaye.N kyaa ko_ii Khvaab na ho to bataaye.N kyaa.