سیاچن گلیشئر کے سانحے پر کہی گئ ایک نظم۔۔ 
 
برف کی چوٹیو تم سنورتی رہو ۔۔۔۔۔۔۔
برف کی چوٹیو تم سنورتی رہو ۔۔۔
اپنے دامن کو چاندی سے بھرتی رہو ۔۔۔
ہاں تمہیں کیا اگر سونے جیسے کئی ۔۔
،خوبصورت جواں ، عزمتوں کے نشاں ۔۔
چاند تاروں کی صورت تھے جو ضوفشاں۔۔
اِن پہاڑوں کے ماتھے کا جھومر تھے وہ ۔۔۔۔
 
ایک سفاک لمحے کی چادر اُنہیں ۔۔۔
اپنی آغوش میں لے کے چلتی بنی ۔۔۔۔ 
سو گئے برف کو اوڑھ کر وہ کہیں ۔۔۔۔ کچھ خبر ہی نہیں ۔۔۔۔۔ 
ایک پل میں نہاں ہو گئے ہیں وہ لوگ۔۔۔۔
 کچھ پتہ ہے ؟؟ کہاں کھو گئے ہیں وہ لوگ ؟؟۔۔
پر تمہیں کیا !!!
 
تمہیں کیا ۔۔کہ ۔۔۔تم اپنا دامن بھرو اور نکھرتی رہو۔۔۔۔۔
برف کی چوٹیو تم سنورتی رہو۔۔۔۔ 
 
کتنی ماوءں کی ہے ۔۔۔گود۔۔۔خالی پڑی ۔۔۔ 
کتنی بہنوں کے سر سے ہیں سائے اُٹھے ۔۔۔۔ 
ہو سکے ۔۔تو سنو !! ان کے دل کی صدا ۔۔۔۔۔
روک لو اپنے سینے پہ گرتی ہوئی تہہ بہ تہہ برف کو ۔۔۔۔
گالا گالا سی جب تم پہ کِرتی ہے یہ ۔۔۔۔
بن کے بجلی مرے دل پہ گرتی ہے یہ ۔۔۔۔۔
میرے دل میں قیامت بپا ہو گئی ۔۔۔۔
دل ہےجیسے ۔۔۔۔کہ ۔۔۔۔۔"دُھنکی ہوئی اُون ہو"۔۔۔۔
مجھکو حیرت ہے ۔۔۔۔کیسے سلامت ہو تم ۔۔۔۔
تم پہ واجب ہے ۔۔۔اب تم بکھرتی رہو ۔۔۔۔
برف کی چوٹیو!!! ۔۔۔۔۔ 
(عاطف جاوید عاطف)