غزل

عزیز بلگامی

تختۂ دار کی خواہش کو چھپایا نہ گیا 
سر کٹایا تو گیا ہم سے، جھکایا نہ گیا
یہ الگ بات کہ دامن کو چھڑایا نہ گیا
’’سر کو تسلیمِ محبت میں ہلایا نہ گیا‘‘
دھمکیاں دھوپ کی ملتی رہیں دیوانوں کو
اِن سے ،ٹوٹی ہوئی دیوار کو ڈھایا نہ گیا
سانس لینے کی لگان اب بھی ادا کرتے ہیں
 چھت گئی سر سے مگر گھر کا کرایہ نہ گیا
اپنی عصمت کو لٹا تی تھی وہ خاموشی سے
خوف ،قانون کا تھا، شور مچایا نہ گیا
اب خیالوں سے نکلنا ہے ضروری اُن کا
یہ خیال ایسا تھاجو دِل میں بسایا نہ گیا
پیٹھ پر ماںکو اُٹھائے ہوئے کعبہ کا طواف
دُودھ کا قرض عزیزؔاِن سے چکایا نہ گیا

************************