MaiN apnay gird lakeereN bichhaye baitha hooN
Sara-e- dard maiN dera jamaye baitha hooN
Nabeel ret maiN sikkay talash kartay huye
maiN apni puri jawani gaNwaye baitha hooN
jo log dard kay gahak haiN samnay aayeN
her eak zakhm say parda uthaye baitha hooN
yeh shahr keya hai, nikalta nahi koi ghar say
kayee dinoN say tamasha lagaye baitha hooN
bahot talab thi mujhay roshni maiN rahnay ki
so youN hua hai ki aankheN jalaye baitha hooN
yeh dekho chand woh sooraj, woh uss taraf taray
ek aasman zameeN par sajaye baitha hooN
na janay kaun sa aalam hai yeh aziz nabeel
maiN reagzar maiN kashti banaye baitha hooN

Aziz Nabeel

۔۔۔۔۔۔۔۔۔۔۔۔۔۔۔

میں اپنے گرد لکیریں بچھائے بیٹھا ہوں
سرائے درد میں ڈیرہ جمائے بیٹھا ہوں
نبیل ریت میں سکّے تلاش کرتے ہوئے
میں اپنی پوری جوانی گنوائے بیٹھا ہوں
جو لوگ درد کے گاہک ہیں سامنے آئیں
ہر ایک زخم سے پردہ اٹھائے بیٹھا ہوں
یہ شہر کیا ہے نکلتا نہیں کوئی گھر سے
کئ دنوں سے تماشہ لگائے بیٹھا ہوں
بہت طلب تھی مجھے روشنی میں رہنے کی
سو یوں ہوا ہے کہ آنکھیں جلائے بیٹھا ہوں
یہ دیکھو چاند، وہ سورج، وہ اس طرف تارے
اک آسمان زمیں پر سجائے بیٹھا ہوں
نہ جانے کون سا عالم ہے یہ، عزیزنبیل
میں ریگزار میں کشتی بنائے بیٹھا ہوں

عزیز نبیل