‎Mojzay ka dar khula aur ek asa roshan hua
Door ghahray panioN maiN rasta roshan hua
---
Janay kitnay soorajoN ka faiz hasil hai usay
Uss mukammal roshni say jo mila roshan hua
---
Aankh waloN nay chura li roshni sari to phir
Eak andhay ki hatheli par diya roshan hua
---
Mustaqil ek bay yaqeeni, ek mukammal intezar
Phir achanak eak chahra, ja ba ja roshan hua
---
Eak wahshat, daira dar daira phirti rahi
Eak sahra, silsila dar silsila roshan hua
---
Janay kis aalam mai.n likkhi yeh ghazal tum nay nabeel
Khamoshi bujhnay lagi, shahr e sada roshan hua

Aziz Nabeel
----------------------------------

غزل

عزیزنبیل

معجزے کا در کھلا اور اک عصا روشن ہوا
دور گہرے پانیوں میں راستہ روشن ہوا

جانے کتنے سورجوں کا فیض حاصل ہے اُسے
اُس مکمّل روشنی سے جو ملا روشن ہوا

آنکھ والوں نے چرالی روشنی ساری تو پھر
ایک اندھے کی ہتھیلی پر دیا روشن ہوا

ایک وحشت دائرہ در دائرہ پھرتی رہی
ایک صحرا سلسلہ در سلسلہ روشن ہوا

مستقل اک بے یقینی، اک مسلسل انتظار
پھر اچانک ایک چہرہ جابجا روشن ہوا

آج پھر جلنے لگے بیتے ہوئے کچھ خاص پل
آج پھر اک یاد کا آتش کدہ روشن ہوا

جانے کس عالم میں لکھّی یہ غزل تم نے نبیل
خامشی بجھنے لگی، شہرِ صدا روشن ہوا‎
******