غزل

جانے کن راہوں سے اس شہر میں لایا گیا ہوں
ایسا لگتا ہے یہاں پہلے بھی آیا گیا ہوں

میں تو گھر ہی میں ہوں، پر لوگ بتاتے ہیں کہ مَیں
دشت و صحرا میں بھٹکتا ہوا پایا گیا ہوں

اتنی حیرت سے نہ دیکھو مجھے اے دیدہ ورو
میں یہاں خود نہیں آیا ہوں، بلایاگیا ہوں

میں نہ یوسف ہوں نہ ایسا کوئی نایاب صفت
کیا خبر کس لیے بازار میں لایا گیا ہوں

کاش اک روز کوئی چھو کے بتائے مجھ کو
کون ہوں؟ کون سی مٹّی سے بنایا گیا ہوں

میں ہی اس شہر کے آکاش کا سورج ہوں نبیل
اور پھر میں ہی علی الصّبح بجھایا گیا ہوں
------------
عزیزنبیل

Ghazal

janay kin rahoN say iss shahr maiN layagaya hooN
aysa lagta hai, yahaN pahaly bhi aaya gaya hooN
--
maiN to ghar hee maiN hooN, par log batatay haiN ky maiN
dasht o sahra maiN bhatakta hua paya gaya hooN
--
itni hairat say na dekho mujhay aye deeda waro
maiN yahaN khud nahi aaya hooN, bulaya gaya hoon
--
maiN na yousuf hooN na aysa koi nayab sifat
keya khabar kis liye bazar maiN laya gaya hooN
--
kash ek roz koi chhu kay bataye mujhko
kaun hooN? kaun si mitti say banaya gaya hooN
--
maiN he iss shahr ka aakash ka suraj hooN nabeel
aur jub subh hyui, maiN he bujhaya gaya hooN