Subh jab raat kay zindan say bahar aayee
Roshni soch kay aiwan say bahar aayee
------------------------------Zindan= Prison
---
Mainay thuk haar kay jab zad-e-safar khola hai
Eak ummid bhi saman say bahar aayee
------------------------------Zad-e-Safar= Luggage of a traveler
---
Kiskay chahray ki chamak khud main samonay kay liye
Zindagi deeda-e-bay jan say bahar aayee
------------------------------deeda-e-bay jan= Dead eyes
---
Sham-e-gham mainay jo poochha mera ghamkhwar hai kaun
Eak ghazal meer kay deewan say bahar aayee
---
Mainay kuchh rang hawaoN mai.n uchhaly thay nabeel
Aur tasveer teri dhyan say bahar aayee
***************