yaad hai tujh kou
teri saheli
kia kehti thi
"Tum kia jano
pyar mohabbat ki batou.n ko
dou din pehle tum ne isko dekha hai
dou hi din mei.n pyar ka da,wa kar baithe hou
na tum iske haal se waqif
na mazi ka ilm hai tum kou
kaise da,wa kar baithe hou
shakl-o-soorat par mat jana
husn bara zalim dhoka hai
tum bhi mujhko husn ke soudaee lagte hou
kal kou koi aur bhalee soorat dekho gey
aur mohabbat bhaap ki tarha urr jaye gee
teri saheli ki sab batei.n
bojh bani hai.n mere dil ka
laikin wo bhi shayad
sach kehti thi
apne dawe ki sachayee
tujh par sabit karne kou
mera daman aaj bhi waise hi khali hai
jaise kal tha.