* منتشر تنظیمِ اجزائے گلستاں کرگئے *
غزل
منتشر تنظیمِ اجزائے گلستاں کرگئے
زندگی میں کون سا کارِ نمایاں کرگئے
مثلِ مہر و ماہ اشکوں کو فروزاں کرگئے
ہم شبستانِ تمنا یوں چراغاں کرگئے
پوچھ شاہد ہیں در و دیوار کی یہ سرخیاں
ہم ہی ہیں وہ لوگ جو تزئینِ زنداں کرگئے
کیا ہوا جو اپنی صورت مسخ ہوکر رہ گئی
زندگی کے خال و خد کو تو نمایاں کرگئے
بدر آخر بٹ گئی اربابِ کشتی کی متاع
نذرِ ساحل کرگئے کچھ نذرِ طوفاں کرگئے
بدر ایمنی
Mill Bazar, (O.L.S.P. 61)
Bansberia, Hooghly
Ph: (033) 6345913
بشکریہ ’’میر بھی ہم بھی‘‘ مرتب: مشتاق دربھنگوی
………………………
|