|
* Kije na das mei'n baiTh kar aapas ki bat chiit, *
Kije na das mei'n baiTh kar aapas ki bat chiit,
Pahunchegi das hazar jagah das ki baat chiit,
Kab tak rahe'n Khamosh ke zahir se ap ki,
Ham ne bahut suni kas-o-naakas ki baat chiit,
Muddat ke bad hazrat-e-naseh karam kiya,
Farmaiye mizaj-e-muqaddas ki baat chiit,
Far tark-e-ishq ke liye izhar kuchh na ho,
Mai'n kya karu'n nahi'n ye mere bas ki baat chiit,
Kya yad a gaya hai "Zafar" panja-e-nigar,
Kuchh ho rahi hai band-o-muKhammas ki baat chiit. |
|