|
* Tum na aye ek din ka wada kar do din talak, *
Tum na aye ek din ka wada kar do din talak,
Ham pare tarhpa kiye do do pahar do din talak,
Dard-e-dil apna sunata huu'n kabhee jo ek din,
Rahta hai us nazani'n ko dard-e-sar do din talak,
Dekhte hai'n Khwab me'n jis din kisuu ki chashm-e-mast,
Rahte hai'n ham do jaha'n se beKhabar do din talak,
Gar yaqi'n ho ye hame'n ayega tuu do din ke bad,
To jiye'n ham aur is umid par do din talak,
Kya sabab kya wasta kya kaam tha batalaiye,
Ghar se jo nikle na apne tum "Zafar" do din talak. |
|