* Katt bhe main likh rakhha hai uss k naam parindo *
Katt bhe main likh rakhha hai uss k naam parindo
Aur zubaani bhee le jaana ik paigham parindo...!
Roz mujhey masroof kieay rakhti hain uss ki yaadein..
Roz addurey reh jaate hain maire kaam prindo...!
Aaj ke sham na lout ke jana, mairey paas he rehna
Uss sey bichchar ke aa'ee hai ye pehli sham prindo..!
Ujjlee dhoop to bhool ga'ee hai mairey gharr ka rasta..
Din chadhtey he aa jaati hai ab to shaam prindo..!
Phhir bhee paida ho jata hai ye jazba har dil mein
Sab ko hai ma'aloom mohabbat ka anjaam prindo...!
Tum mien aisa kon hai maira sath nibaaney wala...?
Uss zalim ko kon karey ga ja ke raam prindo.....?
******
|