|
* Be tahasha urhaan samne hai, *
Be tahasha urhaan samne hai,
Na samajh aasman samne hai,
Ghair ke der pe de rahei hai sada,,
Ger che apna makan samne hai,
Tum bhi mit jaoge na sanbhlo ge,
Hashar urdu zaban samne hai,
Be sahare bhi nau chalti hai,
Mera hindusitan samne hai,
Peeth per war kar nahi’n sakta,
Azmate khandan samne hai,
Patti aankho’n se khol ker daikho,
Ikhtelafi byan samne hai,
Kaise tahzeeb ko bachau ge,
Ser barahna quran samne hai,
Teeshai fikr ho na zung aalood,
Maslo’n ki chattan samne hai,
Assman per pahunch gai bhi to kya,
Aur ek aasman samne hai,
Aise il jul ke log rahtei’n hai’n,
Daikho qaumi nishan samne hai,
Ru-ba-ru jis gharhi hua woh basher,
Yo’n laga etr daan samne hai.
|
|