* ابرِ بہاراں گھِر آتا ہے نامِ محمد *
نعت پاک
ابرِ بہاراں گھِر آتا ہے نامِ محمدؐ جب آتا ہے
گھر خوشبو سے بھرجاتا ہے نامِ محمدؐ جب آتا ہے
آنکھیں میری بھر آتی ہیں جانے ایسا کیوں ہوتا ہے
دل کو میرے تڑپاتا ہے نامِ محمدؐ جب آتا ہے
کیا میری تقدیر میں یارب روضے کا دیدار نہیں ہے
شوقِ نظارہ بڑھ جاتا ہے نامِ محمدؐ جب آتا ہے
جگ مگ جگ مگ کرتی کرنیں دل کو روشن کرجاتی ہیں
نور کا دریا لہراتا ہے نامِ محمدؐ جب آتا ہے
ذکر خدا کا جب ہوتا ہے بنجر دھرتی لہراتی ہے
دشت خیاباں بن جاتا ہے نامِ محمدؐ جب آتا ہے
حق کی صدائیں اکثر آصف ایسا جادو کرجاتی ہیں
تھر تھر باطل تھرّاتا ہے نامِ محمدؐ جب آتا ہے
بیگم عاصف اظہار علی
725, Street No-1, Greater Azar Enclave (W)
Aligarh-202002 (U.P)
Ph: 0571-2720599
بشکریہ ’’عندلیبانِ طیبہ‘‘ مرتب: مشتاق دربھنگوی
……………………………………
|