Ab hai Khushii Khushii me.n na Gham hai malaal me.n,
duniyaa se kho gayaa huu.N tumhaare Khayaal me.n ,

mujh ko na apnaa hosh na duniyaa kaa hosh hai,
mast hoke baiThaa huu.N tumhaare Khayaal me.n ,

taaro.n se puuchh lo merii rudaad-e-zindagii,
raato.n ko jaagataa huu.N tumhaare Khayaal me.n ,

 
duniyaa ko ilm kyaa hai zamaane ko kyaa Khabar,
duniyaa bhulaa chukaa huu.N tumhaare Khayaal me.n, 

 
duniyaa kharhii hai muntazir-e-naGhmaa-e-alam,
'Behzad' chup kharhe hai.n kisii ke Khayaal me.n.