|
* Tum naGhmaa-e-maah ho anjum ho tum soz-e-tamannaa kyaa jaano, *
Tum naGhmaa-e-maah ho anjum ho tum soz-e-tamannaa kyaa jaano,
tum dard-e-muhabbat kyaa samjho tum dil kaa tarhapnaa kyaa jaano,
[maah = moon; anjum = star; soz = burning]
sau baar agar tum ruuTh gaye ham tum ko manaa hii lete the,
ik baar agar ham ruuTh gaye tum ham ko manaanaa kyaa jaano,
taKhriib-e-muhabbat aasaa.N hai taamiir-e-muhabbat mushkil hai,
tum aag lagaanaa siikh gaye tum aag bujhaanaa kyaa jaano,
[taKhriib = destruction ; taamiir = construction]
tum duur kharhe dekhaa hii kiye aur Duubne vaalaa Duub gayaa,
saahil ko tum manzil samajhe tum lazzat-e-dariyaa kyaa jaano,
[saahil = shore; lazzat = pleasure]
|
|