Zindaa huu.N is tarah ki Gham-e-zindagii nahii.n,
jaltaa huaa diyaa huu.N magar raushanii nahii.n,

wo muddate.n huii.n hai.n kisii se judaa hue,
lekin ye dil ki aag abhii tak bujhii nahii.n,

aane ko aa chukaa thaa kinaaraa bhii saamane,
Khud usake paas merii hii nayyaa gaii nahii.n,

hoTo.n ke paas aaye ha.Nsii , kyaa majaal hai,
dil kaa muaamalaa hai koii dillagii nahii.n,

ye chaa.Nd ye havaa ye fizaa, sab hai maa.nd maa.nd,
jo tuu nahii.n to in me.n koii dil-kashii nahii.n.