dard-e-dil mein kamii na ho jaaye  
dosti dushmanii na ho jaaye  
kehte ho koi ham ko dil kyoon de  
kaheen sach much yahi na ho jaaye  
tum meri dosti ka dum na bharo  
aasmaan muddaii na ho jaaye  
kaj-adaayi teri ada Thehri  
meri naiki badi na ho jaaye  
baiThta he hamesha rindon mein  
kaheen zaahid walii na ho jaaye  
hashr par deed kyoon uthaa rakkhi  
honay vaalii abhi na ho jaaye  
apni khu-e-wafaa se darta hoon  
aashiqi bandagii na ho jaaye  
kaheen bekhud tumhari khud-daari  
maane’ bekhudi na ho jaaye