نعت پاک

تونے تو شاخِ خشک کو گل پیرہن کیا
دشت و دمن کو تونے ہی رشکِ چمن کیا

اپنے وطن کو چھوڑ کر جب بے وطن ہوئے
پھر تونے کفر و شرک کو بھی بے وطن کیا

جو جانتے نہیں تھے کوئی فن ، ترے طفیل
اُن کے سکھائے علم و ہنر ، اہلِ فن کیا

اللہ رے! صحابہ کی قربانیاں عجیب
قربان ایک حکم پہ سب مال ، دھن کیا

دینِ خدا کے واسطے جو بے وطن ہوئے
حق بات پر تمہاری فدا جان و تن کیا

آمد سے اپنی کردیا صحرا کو لالہ زار
آمد سے ساری بزموں کو مشکِ ختن کیا

بی بی عائشہ چاند

2898, Turab Ali Street, Mandi Mohalla
Mysore-570021, (Karnataka)
Mob: 9538344917 / Ph: 0821-2529139
بشکریہ ’’عندلیبانِ طیبہ‘‘ مرتب: مشتاق دربھنگوی
……………………………………