|
* Gham se kahi'n najat mile chain paye'n ham *
Gham se kahi'n najat mile chain paye'n ham,
Dil Khuun me'n nahae to ganga nahaye'n ham,
Jannat me'n jaye'n ham ki jahannum me'n jaye'n ham,
Mil jae tuu kahi'n na kahi'n tujh ko paye'n ham,
Mumkin hai ye ki vade pe apane vo aa bhi jae ,
Mushkil ye hai ki aap me'n us vaqt aye'n ham,
Naraz ho Khuda to kare'n bandagi se Khush,
Mashuuq ruuth jae to kyo'n kar manaye'n ham,
Sar dosto'n ke kat kar rakkhe hai'n saamne ,
Ghairo'n se puuchhate hai'n qasam kis ki khaye'n ham,
Saunpa tumhe'n Khuda ko chale ham to na murad,
Kuchh padh ke bakhshana jo kabhi yaad aye'n ham,
Ye jan tum na loge agar ap jayegi,
Is bevafa ki Khair kaha'n tak manaye'n ham,
Ham-saye jagate rahe nalo'n se raat bhar,
Soye huye nasib ko kyo'n kar jagaye'n ham. |
|