Khatir se ya lihaz se mai'n maan to gaya, 
Jhuuthi qasam se ap ka iman to gaya,

Dil leke muft kahate hai,n kuchh kam ka nahi,n ,
Ulati shikayate,n rahi ehasan to gaya,

Ab shay-e-raz-e-ishq go zillate,n hui, 
Lekin use jata to diya, jan to gaya,

Dekha hai butakade me,n jo ai shekh kuchh na kuchh, 
Iman ki to ye hai ki iman to gaya

Darata huun dekh kar dil-e-be-arazuu ko main 
Sun-san ghar ye kyuun na ho mehaman to gaya