* Parde parde mein aataab achchhe nahin *
Parde parde mein aataab achchhe nahin
Aise a.ndaaz-e-hijaab achchhe nahin
Mayakade mein ho gaye chup-chaap kyon
Aaj kuchh mast-e-sharaab achchhe nahin
Ai falak kyaa hai zamaane ki bisaat
Dam-ba-dam ke i.nqalaab achchhe nahin
Bazm-e-vaaiz be-sharaan achchhe nahin
Aise jalase be-sharaab achchhe nahin
Taubaa kar lein ham may-o-maashuuq se
Be-mazaa hai.n ye savaab achchhe nahin
Ik najuumi "Daag" se kahataa thaa aaj
Aap ke din ai janaab achchhe nahin |